Nicomi

© Created 2024 | Published 2025 | XioaBro

 Nicomi യുടെ കഥ തുടരുന്നു.....

അങ്ങനെ ആകാശും മിയയും കൊൽക്കത്തയിലേക്ക് താമസം മാറി. നിക്കോമിയും അന്നയും അവിടെയുള്ള ഒരു പ്രശസ്തമായ സ്കൂളിൽ ചേർന്ന് പഠിക്കാൻ തുടങ്ങി. പുതിയ നഗരം, പുതിയ കൂട്ടുകാർ വ്യത്യസ്തമായ അനുഭവങ്ങൾ - അവരുടെ ജീവിതത്തിൽ പല മാറ്റങ്ങളും സംഭവിച്ചു. കൊൽക്കത്തയിലെ ജീവിതം അവർക്ക് സന്തോഷവും ദുഃഖവും നിറഞ്ഞ പല അനുഭവങ്ങളും നൽകി.

വർഷങ്ങൾ അതിവേഗം കടന്നുപോയി, കൊച്ചു നിക്കോമി ഒരു യുവത്വത്തിലേക്ക് വളർന്നു. ഒരു ദിവസം ആകാശും മിയയും അവനോട് അവൻ്റെ ഭാവിയെക്കുറിച്ച് ചോദിച്ചു. നിക്കോമി, വലുതാകുമ്പോൾ നിനക്ക് എന്താകാനാണ് ആഗ്രഹം? ആകാശ് സ്നേഹത്തോടെ ചോദിച്ചു.

എനിക്ക് ആർമിയിൽ ചേരണം അച്ഛാ, നിക്കോമി ഉറച്ച സ്വരത്തിൽ പറഞ്ഞു.

മകന്റെ ആഗ്രഹം കേട്ടപ്പോൾ മിയയുടെ മുഖത്ത് ഒരു നേരിയ വിഷമം കണ്ടു. സൈനിക ജീവിതം അപകടങ്ങൾ നിറഞ്ഞതാണെന്ന് അവൾക്ക് അറിയാമായിരുന്നു. സ്വന്തം മകനും അതേ വഴി തിരഞ്ഞെടുക്കുന്നതിനെക്കുറിച്ച് ഓർത്തപ്പോൾ അവളുടെ ഹൃദയം ഒരുനിമിഷം വിങ്ങി. പക്ഷേ, അവൾ അത് പുറത്ത് കാണിച്ചില്ല.

നീ ഒരു ധീരനായ സൈനികനാകാൻ ആഗ്രഹിക്കുന്നു, അല്ലേ? മിയ സ്നേഹത്തോടെ ചോദിച്ചു.

അതെ അമ്മേ, നിക്കോമി തീക്ഷ്ണതയോടെ മറുപടി നൽകി.

മിയ മകനെ ചേർത്തുപിടിച്ച് തലോടി. നിൻ്റെ ഇഷ്ടം അതാണ്ങ്കിൽ, ഞങ്ങൾ നിന്നെ പിന്തുണയ്ക്കും.

ആകാശ് പുഞ്ചിരിച്ചുകൊണ്ട് നിക്കോമിയുടെ തോളിൽ തട്ടി. അച്ഛൻ നിൻ്റെ കൂടെയുണ്ട്. അതിനുവേണ്ട എല്ലാ സഹായവും ഞാൻ ചെയ്തുതരാം.

അങ്ങനെ, നിക്കോമിയുടെ സൈനിക സ്വപ്നം യാഥാർത്ഥ്യമാക്കാൻ അവർ ഒരുമിച്ച് തയ്യാറെടുത്തു... 💪🇮🇳

അങ്ങനെ നിക്കോമി എല്ലാ പരീക്ഷകളും അതിവിദഗ്ദ്ധമായി പൂർത്തിയാക്കി ഇന്ത്യൻ ആർമിയിൽ പ്രവേശിച്ചു. അവൻ്റെ പരിശീലനം കണ്ടിട്ട് എല്ലാവരും അത്ഭുതപ്പെട്ടുപോയിരുന്നു. ഒരു സാധാരണ സൈനികനെപ്പോലെയായിരുന്നില്ല അവൻ്റെ പ്രകടനം. ഓരോ നീക്കത്തിലും ഒരുപാട് അനുഭവസമ്പത്തുള്ള ഒരു പഴയ സൈനികന്റെ പക്വതയുണ്ടായിരുന്നു. അതിന് കാരണം മറ്റൊന്നുമല്ല, രാജ്യത്തോടുള്ള അവന്റെ ഉറച്ച തീരുമാനമായിരുന്നു. അങ്ങനെ അവൻ ആർമിയിൽ ചേർന്നു.

നിക്കോമിയുടെ പരിശീലനം അതീവ കഠിനമായിരുന്നു. വെളുപ്പിന് നാല് മണിക്ക് തുടങ്ങുന്ന ദിനചര്യയിൽ, കഠിനമായ വ്യായാമമുറകളും, ആയുധ പരിശീലനവും, പ്രതിരോധ തന്ത്രങ്ങളും ഉൾപ്പെട്ടിരുന്നു. മഞ്ഞു വീഴുന്ന മലനിരകളിലും, ചുട്ടുപൊള്ളുന്ന മരുഭൂമികളിലും, ഇടതൂർന്ന കാടുകളിലും അവൻ പരിശീലനം നേടി. ഓരോ ദിവസവും തൻ്റെ ശരീരത്തിൻ്റെയും മനസ്സിൻ്റെയും പരിമിതികൾ അവൻ മറികടന്നു. അവൻ്റെ മനസ്സ് ഉരുക്കുമനോഭാവം ഉള്ളതായിരുന്നു, എത്ര കഠിനമായ പരീക്ഷണങ്ങളെയും അതിജീവിച്ച് അവൻ മുന്നോട്ട് പോയി.

​പരിശീലനത്തിനിടയിൽ അവൻ്റെ കൂട്ടുകാർ പലരും തളർന്നു വീണു, ചിലർ പിൻവാങ്ങി. എന്നാൽ നിക്കോമിക്ക് ഒരേയൊരു ലക്ഷ്യമേ ഉണ്ടായിരുന്നുള്ളൂ - തൻ്റെ സ്വപ്നം യാഥാർത്ഥ്യമാക്കുക, രാജ്യത്തിന് വേണ്ടി പോരാടുക. അവൻ്റെ അച്ഛൻ ആകാശിൻ്റെ ധീരതയും, അമ്മ മിയയുടെ വാക്കുകളും അവന് എന്നും ഒരു പ്രചോദനമായിരുന്നു.

​പരിശീലനം പൂർത്തിയാക്കിയപ്പോൾ, നിക്കോമി കേവലം ഒരു സൈനികൻ മാത്രമായിരുന്നില്ല, അതീവ വൈദഗ്ദ്ധ്യമുള്ള ഒരു പോരാളിയായി ഒരു soldier ആയി മാറിയിരുന്നു. സൈനിക ഉദ്യോഗസ്ഥർ പോലും അവന്റെ കഴിവുകൾ കണ്ട് അമ്പരന്നു. അവന്റെ തീരുമാനവും പ്രതിബദ്ധതയും അവനെ മറ്റുള്ളവരിൽ നിന്ന് വേറിട്ടുനിർത്തി.

​കാണാൻ സുന്ദരനായ, സൗന്ദര്യമുള്ള നിക്കോമിയെ കണ്ടാൽ ഒരു സൈനികനാണെന്ന് ആരും പറയില്ല. എന്നാൽ, അവൻ്റെ ശരീരവും മനസ്സും ഉരുക്കുകൊണ്ടുള്ളതായിരുന്നു. അവൻ പല യുദ്ധങ്ങളിലും പങ്കെടുത്തു, ശരീരത്തിൽ പലപ്പോഴും പരിക്കുകൾ പറ്റി. ഓരോ അനുഭവത്തെക്കുറിച്ചും അവൻ കത്തുകളിലൂടെ വീട്ടിൽ അറിയിച്ചുകൊണ്ടിരുന്നു. അവൻ്റെ വാക്കുകളിൽ ഉറച്ചുനിന്നതുകൊണ്ട് അവന് സുഹൃത്തുക്കൾ കുറവായിരുന്നു, എന്നാൽ ശത്രുക്കൾ ധാരാളമുണ്ടായിരുന്നു.

​അങ്ങനെ ഒരു ദിവസം, നിക്കോമി എല്ലാവരെയും കാണാൻ വീട്ടിലേക്ക് മടങ്ങിയെത്തി... 🥰

കൊൽക്കത്തയിലെ വീട്ടിൽ ഒരു വൈകുന്നേരം പതിവിലും ശാന്തമായിരുന്നു. ആകാശും മിയയും ടീവി കണ്ടിരിക്കുകയായിരുന്നു. പുറത്ത് കാളിംഗ് ബെൽ ശബ്ദിച്ചു. മിയ വാതിൽ തുറന്നു.

​അവളുടെ മുന്നിൽ യൂണിഫോമണിഞ്ഞ, തോളിൽ ഒരു വലിയ ബാഗുമായി ഒരാൾ നിൽക്കുന്നു. കാറ്റിൽ അവന്റെ മുടിയിഴകൾ പാറി കളിച്ചു. അവന്റെ മുഖം സൂര്യപ്രകാശത്തിൽ തിളങ്ങി, അവന്റെ കണ്ണുകളിൽ പുതിയൊരു തീക്ഷ്ണതയുണ്ടായിരുന്നു.

​മിയയുടെ ഹൃദയം ഒരു നിമിഷം നിലച്ചു. നിക്കോമി...! അവളുടെ കണ്ണുകൾ നിറഞ്ഞൊഴുകി. അവൾ അവനെ തിരിച്ചറിഞ്ഞു. അവൾ അവനരികിലേക്ക് ഓടി.

​ആകാശ് അപ്പോഴേക്കും അവിടേക്ക് എത്തിയിരുന്നു. അവന്റെ മുഖത്തും ആദ്യം അമ്പരപ്പായിരുന്നു, പിന്നീട് ഒരു പുഞ്ചിരി വിടർന്നു. അവന്റെ കണ്ണുകളിലും ഒരു നനവ് പടർന്നു. അവൻ മകനെ കെട്ടിപ്പിടിച്ചു, തലമുറകൾ തമ്മിലുള്ള സ്നേഹവും അഭിമാനവും ആ ആലിംഗനത്തിൽ നിറഞ്ഞു.

​നീ ഒരുപാട് മാറിയിരിക്കുന്നു മോനേ...മിയയുടെ വാക്കുകൾ ഇടറി, പക്ഷേ ആ കണ്ണുകളിൽ സ്നേഹവും ആശ്വാസവും നിറഞ്ഞിരുന്നു.

​അങ്ങനെ അവൻ പുറത്ത് ആരുമറിയാതെ, അഹങ്കാരിയും ദേഷ്യക്കാരനും ആണെങ്കിലും, വീട്ടിൽ വന്നാൽ പഴയ നിക്കോമിയായിരുന്നു. അമ്മയുടെ ഓമന, പാവം നിക്കോമി. അവന്റെ വരവിൽ ഏറ്റവും കൂടുതൽ സന്തോഷിച്ചത് അന്നയായിരുന്നു. നിങ്ങൾക്ക് ആളാകെ മാറിയല്ലോ ചേട്ടാ! അവൾ അവനോട് കളിയായി പറഞ്ഞു. ഹേയ്, ഇല്ല, ഞാൻ നിൻ്റെ പഴയ ചേട്ടൻ തന്നെയാണ്, അവൻ ചിരിച്ചുകൊണ്ട് അന്നയോട് പറഞ്ഞു.

​അവൻ യുദ്ധമുഖത്തുണ്ടായ അനുഭവങ്ങൾ അവരോട് പങ്കുവെച്ചു. കേട്ടപ്പോൾ എല്ലാവർക്കും പേടിയും വിഷമവും തോന്നി. അന്ന പറഞ്ഞു, എൻ്റെ ചേട്ടൻ ഇത്രയും ശക്തനാണോ എന്ന് ഞാൻ വിചാരിച്ചില്ല. നിക്കോമി ഒന്നും മിണ്ടിയില്ല, ഒരു ചെറുപുഞ്ചിരി മാത്രം സമ്മാനിച്ചു. അങ്ങനെ ഓരോന്നും സംസാരിച്ച് അവർ ഭക്ഷണം കഴിച്ചു.

​കഴിച്ചുകഴിഞ്ഞപ്പോൾ അന്ന അവനെ അവളുടെ മുറിയിലേക്ക് വിളിച്ചുകൊണ്ടുപോയി. അവൾ ചെയ്യുന്ന കാര്യങ്ങൾ അവനെ കാണിച്ചു. അവൾ വരച്ച ചിത്രങ്ങളും, എഴുതിയ കഥകളും അവൻ കൗതുകത്തോടെ നോക്കി. ഇത് അവന്റെ മനം നിറച്ചു. അവർ അങ്ങനെ അങ്ങോട്ടും ഇങ്ങോട്ടും പല കാര്യങ്ങളും പറഞ്ഞു. അവൾക്ക് മറ്റെന്തോ ഒരു ഹോബി കൂടി ഉണ്ടായിരുന്നു. അത് രഹസ്യമായി അവൾ അവന്റെ കാതുകളിൽ മന്ത്രിച്ചു. അതിനു ശേഷം അവൾ അവനരികിൽ ഉറങ്ങാൻ കിടന്നു.

​അപ്പോൾ ആകാശ് അവിടേക്ക് വന്നു. അവൻ നിക്കോമിയോട് കുറച്ചുനേരം സംസാരിച്ചു. രാത്രി വൈകിയപ്പോൾ നിക്കോമി അച്ഛനോട് ചോദിച്ചു: അച്ഛാ, ഞാൻ ഇന്ന് അമ്മയുടെ കൂടെ കിടന്നോട്ടെ?

​അത് കേട്ടപ്പോൾ ആകാശ് സന്തോഷത്തോടെ ചിരിച്ചു. പിന്നെന്താ മോനേ, പോയി കിടന്നോളൂ.

​നിക്കോമി അമ്മയുടെ അടുത്തേക്ക് ചെന്നു. മിയ മുറ്റത്ത് ഒരു കസേരയിലിരുന്ന് എന്തോ ആലോചിക്കുകയായിരുന്നു. മിയാ, വാ ഡാ! അവൾ അവനെ സ്നേഹത്തോടെ വിളിച്ചു. അവൻ അമ്മയുടെ മടിയിൽ തലവെച്ച് കിടന്നു. യുദ്ധഭൂമിയിലെ എല്ലാ കഷ്ടപ്പാടുകളും അവനത്ഭുതം പോലെ മറന്നു. ആ രാത്രി അവൻ അമ്മയുടെ മടിയിൽ തലവെച്ച് സുഖമായി ഉറങ്ങി.തുടരും...... ❤️💔❤️‍🩹

© Created 2024 | Published 2025 | XioaBro

Copyright & Intellectual Property Notice

First Published in 2025 | Concept Created in 2024 | © Abhilash PA (XioaBro). All Rights Reserved.

"This story is a part of the Nicomi Story Universe. All characters, including MoiaRia, and the interconnected plotlines are the exclusive property of XioaBro."

നിയമപരമായ മുന്നറിയിപ്പ്: ഈ കഥയും, ഇതിലെ 'MoiaRia' ഉൾപ്പെടെയുള്ള കഥാപാത്രങ്ങളും, ആശയങ്ങളും പകർപ്പവകാശ നിയമത്താൽ (Copyright Law) സംരക്ഷിക്കപ്പെട്ടതാണ്. എന്റെ (Abhilash PA) അനുവാദമില്ലാതെ ഈ കഥയുടെ ഭാഗങ്ങളോ ആശയങ്ങളോ പകർത്തുന്നതോ, പുനർനിർമ്മിക്കുന്നതോ, സിനിമ/ഗെയിം തുടങ്ങിയ മറ്റ് മാധ്യമങ്ങളിലേക്ക് മാറ്റുന്നതോ നിയമവിരുദ്ധമാണ്.